Прывітанне старшыні
Год исторической памяти
Газета «Светлае жыццё»
Рус
En
Бел

Адрас: 247841, г.п. Лельчыцы,
вул. Савецкая, 42

Е-mail: isp@lelchitsy.gov.by

Тэлефон / факс: (+375 2356) 4 22 10

Будынак райвыканкама Рака Убарць Новы мікрараён

Навіны рэспублікі

8 верасня 2022

У Беларусі расшырылі пералік лёгкіх відаў работ, якія могуць выконваць падлеткі 14-16 гадоў

8 верасня, Мінск /Кар. БЕЛТА/. У Беларусі скарэкціравалі пералік лёгкіх відаў работ, якія могуць выконваць падлеткі ва ўзросце ад 14 да 16 гадоў. Гэта прадугледжана пастановай Міністэрства працы і сацыяльнай абароны нумар 50 ад 23 жніўня 2022 года, паведамляе БЕЛТА са спасылкай на інфармацыю Нацыянальнага прававога інтэрнэт-партала.

Удакладняецца, што адпаведныя змяненні ўнесены ў ведамасную пастанову нумар 144 ад 15 кастрычніка 2010 года.

У прыватнасці, пералік дапоўнены такімі відамі работ, як узважванне на вагах, камплектаванне, сартаванне, упакоўка тавараў, укладка на паліцы і ўстаноўка цэннікаў на тавары; сервіроўка сталоў і збор бруднага посуду ў аб'ектах грамадскага харчавання; выкананне работ па прыбіранні клетак, вальераў, загонаў, падсобных памяшканняў і гнездавых домікаў, мыцці кармушак і паілак; работы па рамонце і пераплёце кніг; ручное мыццё аўтамабіляў.

Таксама ўдакладняецца пункт "работа ў якасці пазаштатнага карэспандэнта сродкаў масавай інфармацыі". У яго новай рэдакцыі гаворыцца, што з 14 да 16 гадоў можна працаваць у СМІ па падрыхтоўцы артыкулаў, выступленняў і фотарэпартажаў, весці тэле- і радыёперадачы і ўдзельнічаць у іх.

Акрамя таго, дазволена выконваць не толькі будаўнічыя і рамонтна-будаўнічыя, але і рэстаўрацыйныя работы. Пры гэтым павінны выконвацца ўстаноўленыя нормы пад'ёму і перамяшчэння цяжару ўручную. Гэта не павінна быць звязана з пад'ёмам на вышыню; эксплуатацыяй абсталявання, машын і механізмаў; прымяненнем электрамеханічнага і пнеўматычнага інструменту, матэрыялаў, якія маюць у саставе свінец, бензол, метанол і іх дэрываты - ксілол, талуол і складаныя спірты, эпаксідныя смолы, эфіры і іншыя шкодныя і таксічныя рэчывы.

Акрамя таго, перагледжаны пункт пераліку, які датычыцца выканання відаў работ, асвоеных у вытворчых (вучэбна-вытворчых) майстэрнях устаноў прафесійна-тэхнічнай, агульнай сярэдняй і дадатковай адукацыі дзяцей і моладзі.

Пастанова ўступае ў сілу пасля яе афіцыйнага апублікавання.

БЕЛТА - Навiны Беларусi

Інтэрнэт-рэсурсы