Прывітанне старшыні
Год народного единства
Газета «Светлае жыццё»
Рус
En
Бел

Адрас: 247841, г.п. Лельчыцы,
вул. Савецкая, 42

Е-mail: isp@lelchitsy.gomel-region.by

Тэлефон / факс: (+375 2356) 5 02 10

Будынак райвыканкама Рака Убарць Новы мікрараён

Навіны рэспублікі

4 студзеня 2021

Новы Кодэкс аб адукацыі ўнесены на разгляд у Палату прадстаўнікоў

4 студзеня, Мінск /Кар. БЕЛТА/. Новы Кодэкс аб адукацыі ўнесены на разгляд у Палату прадстаўнікоў. Аб гэтым расказаў міністр адукацыі Ігар Карпенка ў праграме "Тыдзень" на тэлеканале СТБ, паведамляе БЕЛТА.

"Мы завяршылі даволі працяглы марафон па абнаўленні Кодэкса аб адукацыі. Ён унесены ў Палату прадстаўнікоў Нацыянальнага сходу Беларусі, і са студзеня пачнецца карпатлівая работа па падрыхтоўцы яго разгляду ў першым чытанні", - паведаміў міністр.

Ігар Карпенка расказаў, што апошнім часам некаторыя артыкулы дзеючага Кодэкса ўступалі ў супярэчнасці з рэаліямі сістэмы адукацыі. "Напрыклад, у старой рэдакцыі Кодэкса не запісана норма аб магчымасці дыстанцыйнага навучання ў агульнай і сярэдняй адукацыі, але гэта ж не значыць, што мы павінны былі сядзець і чакаць, пакуль будуць унесены змяненні ў заканадаўчы акт, і ніяк не арганізоўваць гэту работу. Мы знялі таксама некаторыя палажэнні, якія, на наш погляд, тармазілі далейшае развіццё сістэмы адукацыі. Гэта дасць магчымасць хутчэй укараняць навацыі ў адукацыйны працэс і інавацыйныя методыкі", - растлумачыў кіраўнік ведамства.

У прыватнасці, у новую рэдакцыю Кодэкса заклалі такое паняцце, як прыкладны вучэбны план. "Прыкладны вучэбны план дазволіць ВНУ больш гібка рэагаваць на патрэбнасці рынку працы, работадаўцаў і ўлічваць сучасныя тэхналогіі, якія актыўна развіваюцца", - дадаў Ігар Карпенка.
Інтэрнэт-рэсурсы