Прывітанне старшыні
Газета «Светлае жыццё»
Год малой радзімы
Рус
En
Бел

Адрас: 247841, г.п. Лельчыцы,
вул. Савецкая, 42

Е-mail: isp@lelchitsy.gomel-region.by

Тэлефон / факс: (+375 2356) 5 02 10

Будынак райвыканкама Рака Убарць Новы мікрараён

Навіны рэгіёнa

7 верасня 2020

Узоры з драўнянай стружкі - выстаўка сожскай скані адкрыецца ў Гомелі

7 верасня, Гомель /Кар. БЕЛТА/. Выстаўка майстэрні "Цесля" "Сожская скань" адкрыецца 10 верасня ў Гомельскім абласным цэнтры народнай творчасці, паведамілі карэспандэнту БЕЛТА ва ўстанове.

Наведвальнікі выставачнай залы ўбачаць экспанаты, выкананыя ў тэхніцы сожскай скані. "Тэрмін "скань" узыходзіць да старажытнарускага слова, што значыла "сукаць", "звіваць". Так называюць від ювелірнай тэхнікі, калі з тонкага металічнага дроту ствараецца ажурны ўзор на метале. У сожскай, або гомельскай, скані такі ўзор ствараецца з драўнянай стружкі", - растлумачылі ва ўстанове. Тэхніка выкарыстоўвалася ў XV стагоддзі для ўпрыгожвання абразоў, аднак потым была забыта. У 1990-х гадах яе адрадзіў гомельскі майстар Уладзімір Цакуноў, які арганізаваў адзіную ў свеце школу сожскай скані.

Сакрэты гэтага майстэрства сёння ведаюць вучні Уладзіміра Цакунова, якіх аб'яднала майстэрня "Цесля", - браты Вячаслаў і Віталь Цеслі, іх сястра Святлана, а таксама жонка Віталя Надзея.

На выстаўцы прадстаўлены разнастайныя вырабы. Напрыклад, унікальны абраз Святога Паўла, герб Мінска, пано "Матылёк", гадзіннік-бар і г.д. "Для стварэння сожскіх карункаў неабходны філігранная дакладнасць выканання, неверагодная стараннасць і ўменне спалучаць натуральныя колеры розных парод дрэва. Усе экспанаты вызначаюць арыгінальнасць, адмысловы дэкор, якія цудоўна гарманіруюць з натуральнай прыгажосцю прыроднай тэкстуры дрэва", - дадалі ў цэнтры народнай творчасці.

Арганізатары ўпэўнены, выстаўка зацікавіць шырокае кола гледачоў, якія змогуць убачыць разнастайнасць напоўненай прыгажосцю творчасці.

Экспазіцыя будзе даступна па 7 кастрычніка. Уваход свабодны.-0-

Інтэрнэт-рэсурсы